രാഷ്ട്രീയം കളിച്ചോളൂ അത് മുസ്ലിം സമുദായത്തിന്റെ നെഞ്ചത്ത് ചവിട്ടിയാകരുത്...!, പാർലമെൻറ് ഇലക്ഷനിലെ വിജയത്തിനു വേണ്ടി സിപിഎം അഴിച്ചുവിട്ടത് സംഘപരിവാരത്തെ പോലും നാണിപ്പിക്കുന്ന വർഗീയത, ടി പി ചന്ദ്രശേഖരനെ വധിക്കാൻ പദ്ധതിയിട്ടപ്പോൾ മാഷാ അള്ളാ സ്റ്റിക്കർ ഒട്ടിച്ചു മുസ്ലിം സമുദായത്തിനെതിരെ അന്വേഷണം കൊണ്ടുവരാൻ സിപിഎം ഗൂഢാലോചന നടത്തിയതും കുതന്ത്രം പൊളിഞ്ഞുവീണതുമായ കാഴ്ച കേരളീയ സമൂഹം കണ്ടതാണ്, കാഫിർ പരാമർശത്തിലെ പുതിയ വെളിപ്പെടുത്തലുകളിൽ സിപിഎമ്മിനെതിരെ രൂക്ഷവിമർശനവുമായി കരുവാ റഫീഖ്

അഞ്ചാലുംമൂട് : ഇക്കഴിഞ്ഞ പാർലമെൻറ് ഇലക്ഷനിൽ ഏറെ വിവാദങ്ങൾ സൃഷ്ടിച്ച കാഫിർ പരാമർശത്തിൽ പുതിയ അന്വേഷണ റിപ്പോർട്ടുകൾ പുറത്തു വരവേ സിപിഎമ്മിനെതിരെ ആഞ്ഞടിച്ച് യൂത്ത് കോൺഗ്രസ് നേതാവ് കരുവ റഫീഖ്. 'രാഷ്ട്രീയം കളിച്ചോളൂ അത് മുസ്ലിം സമുദായത്തിന്റെ നെഞ്ചത്ത് ചവിട്ടിയാകരുത്' എന്ന തലക്കെട്ടോടെയാണ് റഫീഖ് ഫേസ്ബുക്ക് പോസ്റ്റുമായി രംഗത്ത് എത്തിയത്. നിസ്സാരമായ ഒരു പാർലമെൻറ് മണ്ഡലം ജയിക്കുന്നതിനുവേണ്ടി ഇന്ത്യയിലെ സംഘപരിവാരത്തെ പോലും നാണിപ്പിക്കുന്ന വർഗീയത ഇറക്കിയ സിപിഎം നേതൃത്വം മുസ്ലിം സമുദായത്തോട് മാപ്പ് പറയണമെന്ന് റഫീഖ് ഫേസ്ബുക്കിലൂടെ ആവശ്യപ്പെട്ടു. ടിപി ചന്ദ്രശേഖരനെ വധിക്കാൻ പദ്ധതി തയ്യാറാക്കിയപ്പോൾ മാഷ അള്ളാ സ്റ്റിക്കർ ഒട്ടിച്ച് അന്വേഷണം ഈ സമുദായത്തിനെതിരെ തിരിക്കാനും സിപിഎം ഗൂഢാലോചന നടത്തിയതും അവിടെ സിപിഎമ്മിന്റെ കുതന്ത്രം പൊളിഞ്ഞു വീഴുന്നത് കേരളീയ സമൂഹം കണ്ടതാണെന്നും അദ്ദേഹം കുറ്റപ്പെടുത്തി. മലയാളം മാധ്യമം പ്രസിദ്ധീകരിച്ച ന്യൂസ് കാർഡുമായിട്ടാണ് ഫേസ്ബുക്ക് പോസ്റ്റ്.