മുകേഷ് സാംസ്കാരിക കേരളത്തിന് അപമാനമെന്ന് കെ.സി.രാജൻ...!, കോൺഗ്രസ്സ് അഞ്ചാലുംമൂട്ടിൽ മുകേഷിൻ്റെ കോലം കത്തിച്ചു, പ്രതിഷേധ പ്രകടനം അഞ്ചാലുംമൂട് ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ

ഹേമ കമ്മിറ്റി റിപ്പോർട്ട് പുറത്ത് വന്നതിനു പുറകെ കൊല്ലം എംഎൽഎയും നടനുമായ മുകേഷിനെതിരെ സിനിമാരംഗത്ത് നിന്ന് പുറത്തുവന്നുകൊണ്ടിരിക്കുന്ന പീഡന പരാതിയിൽ തുടർന്ന് മുകേഷ് രാജിവെക്കണമെന്ന് ആവശ്യപ്പെട്ടുകൊണ്ട് അഞ്ചാലുംമൂട് ബ്ലോക്ക് കോൺഗ്രസ് കമ്മിറ്റി പ്രതിഷേധ പ്രകടനം നടത്തി മുകേഷിന്റെ കോലം കത്തിച്ചു അഞ്ചാലുംമൂട് കോർപ്പറേഷൻ സോണൽ ഓഫീസിനു മുന്നിൽ നിന്ന് ആരംഭിച്ച പ്രതിഷേധ പ്രകടനം അഞ്ചാലുംമൂട് ജംഗ്ഷനിൽ സമാപിച്ചു ബ്ലോക്ക് പ്രസിഡൻറ് പ്രാക്കുളം സുരേഷിന്റെ നേതൃത്വത്തിൽ കൂടിയ പ്രതിഷേധയോഗം യുഡിഎഫ് ജില്ലാ ചെയർമാൻ കെ സി രാജൻ ഉദ്ഘാടനം ചെയ്തു സാംസ്കാരിക കേരളത്തിന് അപമാനമായ എം മുകേഷ് എത്രയും പെട്ടെന്ന് സ്ഥാനമൊഴിഞ്ഞ് മാന്യത കാണിക്കണമെന്നും അതിന് തയ്യാറാകാത്തപക്ഷം കേരള ജനത മുകേഷിനെ പുറത്താക്കുമെന്നും കെ സി രാജൻ പ്രസ്താവിച്ചു കെപിസിസി രാഷ്ട്രീയകാര്യ സമിതി അംഗം ബിന്ദു കൃഷ്ണ ,സൂരജ് രവി ,കെ വി സജികുമാർ ,ഓമനക്കുട്ടൻ പിള്ള ,മോഹനൻ പെരിനാട്, പുന്തല മോഹനൻ, പനയം സജീവ്, വില്യം ജോർജ് ,വി പി വിധു അജിത്, കെവി സുഭാഷ് ചന്ദ്ര ബോസ്, സരസ്വതി രാമചന്ദ്രൻ, ചിന്നു മോൾ തുടങ്ങിയവർ പ്രസംഗിച്ചു