നിങ്ങൾ ഗ്രില്‍ഡ് ചിക്കന്‍ കഴിക്കാറുണ്ടോ?, ക്യാൻസർ മുതൽ പക്ഷാഘാതം വരെ വരാനുള്ള സാധ്യത, ഇക്കാര്യങ്ങൾ അറിഞ്ഞിരിക്കണം

പലപ്പോഴും നിങ്ങൾക്ക് സംശയമുണ്ടായേക്കും. എന്ത് കൊണ്ടാണ് ഇത്തരത്തിലുള്ള ഭക്ഷണംകഴിച്ചാൽ ആരോഗ്യപ്രശ്നങ്ങൾ ഉണ്ടാകുന്നത് എന്ന്. പറയാം, ചിക്കനും മറ്റും തീയില്‍ അമിതമായി ചൂടാക്കി കഴിക്കുമ്പോള്‍ ഇതിനകത്ത് ഉണ്ടാകുന്ന ഒരു രാസവസ്തുവാണ് ആരോഗ്യ പ്രതിസന്ധിക്ക് കാരണം. നമ്മൾ കഴിക്കുന്ന ഇത്തരം ഭക്ഷണങ്ങളിലൂടെ ശരീരത്തിനകത്തേക്ക് എത്തുന്ന പ്രോട്ടീന്‍സ് അല്ലെങ്കില്‍ ഫാറ്റ് രക്തത്തിലുള്ള പഞ്ചസാര, തന്മാത്രയില്‍ കൂടിക്കലർന്ന് ഒട്ടുന്ന തരത്തിലുള്ള അഡ്വാൻസ്ഡ് ഗ്ലൈക്കേഷൻ എൻഡ് പ്രോഡക്ട്‌സ് ( എജിഇ) ആയി മാറുന്നു. ഇത് ഹൃദ്രോഹവും മറ്റു പല പ്രശ്നങ്ങൾക്കും കാരണമാകുന്നു.

മനുഷ്യ ശരീരത്തിലെ രക്തത്തിലുള്ള ഷുഗര്‍ മോളിക്യൂളും നമ്മൾ കഴിക്കുന്ന ഭക്ഷണത്തിന്റെ പ്രോട്ടീനുമായി ചേര്‍ന്നിട്ടാണ് ഇത് ഉണ്ടാകുന്നത്. ഇവ രക്തക്കുഴലിന് അകത്തോ അല്ലെങ്കില്‍ ഹൃദയത്തിലെ കോശങ്ങള്‍ക്ക് അകത്തോ അല്ലെങ്കില്‍ തലച്ചോറിന് അകത്തോ വൃക്കകള്‍ക്ക് അകത്തോ പോകുന്നതിന് കാരണമാകും. ഇത് നിങ്ങളുടെ ആരോഗ്യത്തിന് വളരെ ഏറെ ദോഷം ചെയ്യും. ചിലപ്പോൾ മരണത്തിന് വരെ കാരണമായേക്കും എന്ന് ആരോഗ്യ വിദഗ്ദർ വ്യക്തമാക്കുന്നു.

പണ്ടൊക്കെ ആയിരുന്നുവെങ്കിൽ മുതിർന്നവരിലായിരുന്നു രോഗങ്ങൾ കണ്ടിരുന്നത്. എന്നാൽ ഇപ്പോൾ യുവാക്കളിലും പലതരത്തിലുള്ള രോഗങ്ങൾ കണ്ടു തുടങ്ങിയിരിക്കുന്നു. ആരോഗ്യ വിദഗ്ദരും മറ്റും പറയുന്നതനുസരിച്ച് നോക്കുകയാണെങ്കിൽ മാറി വരുന്ന ഭക്ഷണ ശൈലിയും ജീവിത ശൈലിയുമാണ് ഇതിന് കാരണം എന്നതാണ്.

ഇത്തരത്തിലുള്ള ഭക്ഷണ രീതി നിങ്ങളിൽ ഹൃദ്രോഗം അടക്കമുള്ള രോഗങ്ങൾ വരുത്താനുള്ള സാധ്യത കൂടുതലാണ്. ചിക്കൻ നേരിട്ട് തീയില്‍ ചുട്ടെടുക്കുന്നതിലൂടെ അഡ്വാൻസ്ഡ് ഗ്ലൈക്കേഷൻ എൻഡ് പ്രോഡക്ട്‌സ് ( എജിഇ) ശരീരത്തിലെത്തുന്നു. ബേക്കറിയില്‍ നിന്നുളള ഭക്ഷണങ്ങള്‍ അതായത്, ബിസ്‌ക്കറ്റ്‌സ്, പിസ, പാസ്ട്രീ പോലുള്ളവ തീയിൽ നേരിട്ട് ഉയര്‍ന്ന ചൂടില്‍ ബേക്ക് ചെയ്ത് എടുക്കുന്ന ഭക്ഷണങ്ങളാണ്. ഇവയിലെല്ലാം ഉയര്‍ന്ന അളവില്‍ എജിഇ അടങ്ങിയിട്ടുണ്ട്. ഇത് ശരീരത്തിന് വളരെ ഏറെ ദോഷം ചെയ്യും എന്ന് അറിഞ്ഞിരിക്കുക.

ശരീരത്തിലെത്തുന്ന എജിഇയുടെ അളവ് 10,000 കിലോ യൂണിറ്റിനും 15,000 കിലോ യൂണിറ്റിനും ഇടയ്ക്കാണ് എന്നുണ്ടെങ്കില്‍ വൈറ്റമിന്‍സിനും ആന്റിഓക്‌സിഡന്റസിനും എല്ലാം ഇവയെ ഒരു പരിധി വരെ കുറച്ച് നിര്‍ത്തിയിട്ട് നശിപ്പിക്കാന്‍ സാധിക്കും.100 ഗ്രാം തീയില്‍ നിന്ന് നേരിട്ടുള്ള ഭക്ഷണമാണ് കഴിക്കുന്നതെങ്കില്‍ 6000 മുതല്‍ 7000 കിലോ യൂണിറ്റ് എജിഇയാണ് ശരീരത്തിൽ എത്തുന്നത്. ഇത് നമ്മുടെ ശരീരത്തെ തന്നെ നശിപ്പിക്കാനുള്ള സാധ്യത വളരെ കൂടുതലാണ്.

അത് കൊണ്ട് തന്നെ ഇത്തരത്തിലുള്ള ഭക്ഷണപദാർത്ഥങ്ങൾ നിരന്തരമായി കഴിക്കുമ്പോൾ ഒന്ന് ശ്രദ്ധിക്കേണ്ടത് നല്ലതാണ്. അല്ലെങ്കിൽ നിങ്ങളുടെ ആരോഗ്യം വളരെ പെട്ടെന്ന് തന്നെ നശിച്ചു തുടങ്ങും എന്ന് മാത്രമല്ല നിങ്ങളെ ഇത് മരണത്തിലേക്ക് വരെ തള്ളിയിടാനുള്ള സാധ്യതയുണ്ട്.