വീട്ടുപറമ്പിൽ വിൽപ്പന നടത്താനായി നട്ടുവളർത്തിയത് കഞ്ചാവ് ചെടി...!, രണ്ട് കഞ്ചാവ് ചെടികളും ഈ ചെടികളിൽ നിന്നും വെട്ടി ഉണക്കിയെടുത്ത 150 ഗ്രാം കഞ്ചാവും പിടികൂടി, 54-കാരൻ അറസ്റ്റിൽ

തിരുവനന്തപുരം : പാറശാലയിൽ കഞ്ചാവ് ചെടികൾ നട്ടുവളർത്തി വിളവെടുത്ത് കച്ചവടം നടത്തിയ ആളെ എക്സൈസ് പിടികൂടി. പാറശാല സ്വദേശിയായ ശങ്കറാണ് (54) വീട്ടുപറമ്പിൽ നട്ടു വളർത്തിയ കഞ്ചാവ് ചെടികളുമായി പിടിയിലായത്. മൂന്ന് മീറ്റർ നീളമുള്ള രണ്ട് കഞ്ചാവ് ചെടികളും ഈ ചെടികളിൽ നിന്നും വെട്ടി ഉണക്കിയെടുത്ത 150 ഗ്രാം കഞ്ചാവും എക്സൈസ് സംഘം പിടിച്ചെടുത്തു.