എഡിഎംന്റെ ആത്മഹത്യയിൽ ഗുരുതര ആരോപണം...!, മുഖ്യമന്ത്രിക്ക് നൽകി എന്ന് പറയുന്ന പരാതി കെട്ടിച്ചമച്ചതെന്ന് ആം ആദ്മി പാർട്ടി

കണ്ണൂർ എ ഡി എം നവീൻ ബാബുവിന്റെ ആത്മഹത്യ ആയി ബന്ധപ്പെട്ട് മുഖ്യമന്ത്രിക്ക് നൽകി എന്ന് പറയുന്ന പരാതി വ്യാജവും കെട്ടിച്ചമച്ചതുമാണ്. സിപിഐ എം നേതാക്കളുടെ അടുത്ത ബന്ധുവും പാർട്ടി സഹയാത്രികനുമായ പ്രശാന്തൻ, കണ്ണൂർ ജില്ലാ പഞ്ചായത്ത്‌ പ്രസിഡന്റ്‌ പി പി ദിവ്യ എന്നിവർ മരണ ശേഷവും അദ്ദേഹത്തെ വേട്ടയാടുക ആണ്. 

സർക്കാർ സർവീസിൽ ഇരുന്ന് കൊണ്ട് മറ്റൊരു സ്ഥാപനം തുടങ്ങാൻ ശ്രമിക്കുക, വ്യാജ രേഖ നിർമ്മിക്കുക തുടങ്ങിയ കുറ്റങ്ങൾ ചെയ്ത പ്രശാന്തനു എതിരെയും ഉത്തരവാദിത്തപെട്ട സ്ഥാനത്ത് ഇരുന്ന് തന്റെ അധികാരം ഉപയോഗിച്ച് തെറ്റായ വഴിയിലൂടെ സ്വന്തക്കാരന് പെട്രോൾ പമ്പിനു അനുമതി നൽകാൻ ശ്രമിച്ച പി പി ദിവ്യയെയും അറസ്റ്റ് ചെയ്തു അന്വേഷണം നടക്കണം. 

പ്രതികൾ സിപിഐ എം പ്രവർത്തകരും സഹയാത്രികരും ആയതിനാൽ ഉന്നത ബന്ധം ഉപയോഗിച്ച് കേസ് അട്ടിമറിക്കപ്പെടാൻ സാഹചര്യമുള്ളതിനാൽ ഇക്കാര്യത്തിൽ സുതാര്യവും നീതിയുക്തവും ആയ  അന്വേഷണം ഉറപ്പുവരുത്തണം എന്നും ആം ആദ്മി പാർട്ടി ആവശ്യപ്പെടുന്നു.