കൊല്ലത്ത് ബൈക്ക് സ്‌കൂട്ടറിലിടിച്ച് രണ്ടുപേർക്ക് പരി​ക്ക്...!, അപകടം ഫാത്തിമ മാതാ കോളേജിന് സമീപം, ഇരുവരും ചികിത്സയിൽ

കൊല്ലം : ഫാത്തിമ മാതാ കോളേജിന് സമീപം നിയന്ത്രണം വിട്ട ബൈക്ക് സ്കൂട്ടറിലിടിച്ച്, ഇരു വാഹനങ്ങളും ഓടി​ച്ചവർക്ക് പരി​ക്കേറ്റു. സ്കൂട്ടർ യാത്രി​കൻ പുന്തലത്താഴം സുന്ദരവിലാസത്തിൽ വിജയൻപിള്ളയുടെ (63) കാലിനാണ് പരിക്കേറ്റത്. ഇദ്ദേഹത്തെ പാലത്തറയിലെ സഹകരണ ആശുപത്രിയിൽ പ്രവേശിപ്പിച്ചു. ബൈക്ക് യാത്രി​കനെ കൊല്ലത്തെ സ്വകാര്യ ആശുപത്രി​യി​ൽ പ്രവേശി​പ്പി​ച്ചു. 

ഇന്നലെ രാത്രി 7.45നായിരുന്നു അപകടം. ചിന്നക്കടയിൽ നിന്ന് പുന്തലത്താഴത്തേക്ക് പോയ സ്കൂട്ടറിൽ എതിർദിശയിൽ അമിതവേഗതയിലെത്തിയ ബൈക്ക് ഇടിക്കുകയായിരുന്നു. ഇതേ ദിശയിൽ വന്ന മറ്റൊരു ബൈക്കിലും ഇടിച്ചു. ഈസ്റ്റ് പൊലീസ് സ്ഥലത്തെത്തി മേൽ നടപടികൾ സ്വീകരിച്ചു.