കൊല്ലത്ത് സുഹൃത്തിന്റെ വീട്ടിൽ കയറി ഭാര്യയെ പീഡിപ്പിക്കാൻ ശ്രമം...!, നാട്ടുകാരും ഭർത്താവും ചേർന്ന് യുവാവിനെ പിടികൂടി, അറസ്റ്റ്

കൊല്ലം : സുഹൃത്തിന്റെ വീട്ടിൽ കയറി ഭാര്യയെ പീഡിപ്പിക്കാൻ ശ്രമിച്ചയാൾ പിടിയിൽ. വീട്ടമ്മ പോലീസിന് നൽകിയ പരാതിയിൽ പുനലൂർ സ്വദേശിയായ അരുൺ എന്നയാൾ ആണ് അറസ്റ്റിലായത്. 

സുഹൃത്തിന്റെ വീട്ടിൽ രാത്രി അതിക്രമിച്ചു കയറിയ ശേഷം അരുണിന്റെ അതിക്രമം കാട്ടുകയായിരുന്നു. വീട്ടിൽ കിടന്നുറങ്ങുകയായിരുന്ന സുഹൃത്തിന്റെ ഭാര്യയെ ഇയാൾ കടന്നു പിടിക്കുകയും യുവതി ബഹളം വെച്ചതോടെ വീട്ടിൽ നിന്നും ഓടി രക്ഷപ്പെടാൻ ശ്രമിക്കുകയുമായിരുന്നു.

രക്ഷപ്പെടുന്നതിനിടെ അരുണിനെ യുവതിയുടെ ഭർത്താവും നാട്ടുകാരും ചേർന്ന് പിടികൂടിയ ശേഷം

ഇയാളെ പുനലൂർ പോലീസിന് കൈമാറി. വീട്ടമ്മയുടെ പരാതിയിൽ പീഡനശ്രമം ഉൾപ്പെടെയുള്ള വകുപ്പുകൾ ചുമത്തിയാണ് പോലീസ് കേസെടുത്തിരിക്കുന്നത്. അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.