അർദ്ധരാത്രി അമിതവേഗത്തിൽ കാറിൽ പറന്നു; കാർ നിയന്ത്രണം വിട്ട് മറ്റൊരു കാറിലിടിച്ച് മറിഞ്ഞു, ഡ്രൈവർ ഓടി രക്ഷപ്പെട്ടു

തിരുവനന്തപുരം : ടെക്കനോപാർക്കിന് സമീപം നിയന്ത്രണം വിട്ട കാർ മറ്റൊരു കാറിലിടിച്ച് മറിഞ്ഞു. രാത്രി 12 മണിയോടെയായിരുന്നു അപകടം. കഠിനംകുളം സ്വദേശികളാണ് കാറിലുണ്ടായിരുന്നത്. കാറോടിച്ചിരുന്നയാൾ ഓടി രക്ഷപ്പെട്ടു. അതേസമയം ഒപ്പം കാറിലുണ്ടായിരുന്നയാൾക്ക് വലിയ പരിക്കുകളില്ല. കഠിനംകുളം സ്വദേശി വിനോദിൻ്റെ കാറാണ് അപകടത്തിൽപ്പെട്ടത്. കാർ അമിതവേ​ഗത്തിലായിരുന്നുവെന്നാണ് റിപ്പോർട്ട്. ഇയാളെ പോലീസ് കസ്റ്റഡിയിലെടുത്തു.