ഉപതിരഞ്ഞെടുപ്പ് ഫലം: 30 വാർഡുകളിൽ 17ൽ എൽഡിഎഫിന് വിജയം; യുഡിഎഫിന്റെ സിറ്റിങ് സീറ്റ് എസ്ഡിപിഐ പിടിച്ചെടുത്തു; ബിജെപിക്ക് തകർച്ച

കേരളത്തിൽ 30 തദ്ദേശ വാർഡുകളിലെ ഉപതിരഞ്ഞെടുപ്പിൽ എൽഡിഎഫ് 17 സീറ്റുകൾ നേടിക്കൊണ്ട് ശക്തമായ മുന്നേറ്റം നടത്തി. യുഡിഎഫ് 12 സീറ്റുകളിൽ വിജയിച്ചപ്പോൾ, ബി.ജെ.പി ഒന്നും നേടാനാകാതെ സമ്പൂർണ പരാജയമേറ്റുവാങ്ങി.

തിരുവനന്തപുരം മുനിസിപ്പൽ കോർപ്പറേഷനിലെ ശ്രീവരാഹം വാർഡിൽ സി.പി.എം സിറ്റിങ് സീറ്റ് നിലനിർത്തി. വി. ഹരികുമാർ 12 വോട്ടുകൾക്കാണ് ബിജെപിയിലെ മിനിയെ പരാജയപ്പെടുത്തിയത്.

കരുംകുളം ഗ്രാമപ്പഞ്ചായത്ത് കൊച്ചുപള്ളി – സിപിഎമ്മിന്റെ സിറ്റിങ് സീറ്റ് യുഡിഎഫ് പിടിച്ചെടുത്തു. യുഡിഎഫ് സ്ഥാനാർഥി സേവ്യർ ജറോൺ 169 വോട്ടുകൾക്കാണ് വിജയിച്ചത്.

പൂവച്ചൽ ഗ്രാമപ്പഞ്ചായത്ത് പുളിങ്കോട് – യുഡിഎഫിന്റെ സിറ്റിങ് സീറ്റ് എൽഡിഎഫ് പിടിച്ചെടുത്തു. സിപിഎമ്മിലെ സെയ്ദ് സബർമതി 57 വോട്ടുകൾക്ക് വിജയിച്ചു.

പാങ്ങോട് ഗ്രാമപ്പഞ്ചായത്ത് പുലിപ്പാറ – യുഡിഎഫിന്റെ സിറ്റിങ് സീറ്റ് എസ്ഡിപിഐ പിടിച്ചെടുത്തു. കോൺഗ്രസ് മൂന്നാം സ്ഥാനത്തേക്ക് തളർന്നു. എസ്ഡിപിഐ സ്ഥാനാർത്ഥി മുജീബ് പുലിപ്പാറ 674 വോട്ടുകൾക്കാണ് വിജയിച്ചത്.

കൊട്ടാരക്കര നഗരസഭ കല്ലുവാതുക്കൽ വാർഡ് – എൽഡിഎഫ് നിലനിർത്തി. സി.പി.ഐയുടെ മഞ്ജു സാം 193 വോട്ടുകൾക്കാണ് വിജയിച്ചത്.

അഞ്ചൽ ബ്ലോക്ക് പഞ്ചായത്ത് അഞ്ചൽ ഡിവിഷൻ – യുഡിഎഫ് സിറ്റിങ് സീറ്റ് നിലനിർത്തി. കോൺഗ്രസിലെ മുഹമ്മദ് ഷെറിൻ 877 വോട്ടുകൾക്ക് വിജയിച്ചു.

കൊട്ടാരക്കര ബ്ലോക്ക് പഞ്ചായത്ത് കൊട്ടറ വാർഡ് – എൽഡിഎഫ് സിറ്റിങ് സീറ്റ് നിലനിർത്തി. സി.പി.എം സ്ഥാനാർത്ഥി വത്സമ്മ 900 വോട്ടുകൾക്ക് വിജയിച്ചു.

പത്തനംതിട്ട മുനിസിപ്പാലിറ്റി കുമ്പഴ നോർത്ത് – എൽഡിഎഫ് സ്വതന്ത്ര സ്ഥാനാർത്ഥി ബിജിമോൾ മാത്യു 3 വോട്ടുകൾക്ക് വിജയിച്ചു.

അയിരൂർ ഗ്രാമപ്പഞ്ചായത്ത് തടിയൂർ വാർഡ് – യുഡിഎഫ് വിജയിച്ചു. കോൺഗ്രസിലെ പ്രീത നായർ 106 വോട്ടുകൾക്കാണ് വിജയിച്ചത്.

പുറമറ്റം ഗ്രാമപ്പഞ്ചായത്ത് ഗ്യാലക്സി നഗർ – എൽഡിഎഫ് വിജയിച്ചു. സിപിഎമ്മിലെ ശോഭിക ഗോപി 152 വോട്ടുകൾക്ക് വിജയിച്ചു.

കാവാലം ഗ്രാമപ്പഞ്ചായത്ത് പാലോടം വാർഡ് – എൽഡിഎഫ് സ്ഥാനാർത്ഥി മംഗളാനന്ദൻ 171 വോട്ടുകൾക്ക് വിജയിച്ചു.

മുട്ടാർ ഗ്രാമപ്പഞ്ചായത്ത് മിത്രക്കരി ഈസ്റ്റ് – യുഡിഎഫ് സ്ഥാനാർത്ഥി ബിൻസി 15 വോട്ടുകൾക്ക് വിജയിച്ചു.

രാമപുരം ഗ്രാമപ്പഞ്ചായത്ത് ജി.വി. സ്കൂൾ വാർഡ് – യുഡിഎഫ് വിജയിച്ചു. കോൺഗ്രസിലെ രജിത 235 വോട്ടുകൾക്ക് ബിജെപിയിലെ അശ്വതിയെ തോൽപ്പിച്ചു.

വാത്തിക്കുടി ഗ്രാമപ്പഞ്ചായത്ത് ദൈവമേട് വാർഡ് – എൽഡിഎഫ് വിജയിച്ചു. കേരള കോൺഗ്രസിലെ ബിനു 7 വോട്ടുകൾക്കാണ് വിജയിച്ചത്.

മൂവാറ്റുപുഴ മുനിസിപ്പാലിറ്റി ഈസ്റ്റ് ഹൈസ്കൂൾ ഡിവിഷൻ – യുഡിഎഫ് വിജയിച്ചു. കോൺഗ്രസിലെ മോർക്കുട്ടി ചാക്കോ 65 വോട്ടുകൾക്ക് വിജയിച്ചു.

അശമന്നൂർ ഗ്രാമപ്പഞ്ചായത്ത് മതല തെക്ക് വാർഡ് – യുഡിഎഫ് വിജയിച്ചു. കോൺഗ്രസിലെ എൻ.എം. നൗഷാദ് 40 വോട്ടുകൾക്ക് വിജയിച്ചു.

പൈങ്ങോട്ടൂർ ഗ്രാമപ്പഞ്ചായത്ത് പനങ്കര വാർഡ് – എൽഡിഎഫ് സ്വതന്ത്രൻ അമൽരാജ് 166 വോട്ടുകൾക്ക് വിജയിച്ചു.

പായിപ്ര ഗ്രാമപ്പഞ്ചായത്ത് നിരപ്പ് വാർഡ് – യുഡിഎഫ് സ്ഥാനാർത്ഥി സുജാത ജോൺ 162 വോട്ടുകൾക്ക് വിജയിച്ചു.

ചൊവ്വന്നൂർ ഗ്രാമപ്പഞ്ചായത്ത് മാന്തോപ്പ് – എൽഡിഎഫ് നിലനിർത്തി. സിപിഎമ്മിലെ ഷഹർബാൻ 48 വോട്ടുകൾക്ക് വിജയിച്ചു.

മുണ്ടൂർ ഗ്രാമപ്പഞ്ചായത്ത് കീഴ്പ്പാടം വാർഡ് – എൽഡിഎഫ് നിലനിർത്തി. സിപിഎമ്മിലെ പ്രശോഭ് 346 വോട്ടുകൾക്ക് വിജയിച്ചു.

കരുളായി ഗ്രാമപ്പഞ്ചായത്ത് ചക്കിട്ടാമല വാർഡ് – യുഡിഎഫ് വിജയിച്ചു. ലീഗിലെ വിപിൻ 397 വോട്ടുകൾക്ക് വിജയിച്ചു.

തിരുനാവായ ഗ്രാമപ്പഞ്ചായത്ത് എടക്കുളം ഈസ്റ്റ് – യുഡിഎഫ് വിജയിച്ചു. കോൺഗ്രസിലെ അബ്ദുൾ ജബ്ബാർ 260 വോട്ടുകൾക്ക് വിജയിച്ചു.

പുറമേരി ഗ്രാമപ്പഞ്ചായത്ത് കുഞ്ഞല്ലൂർ വാർഡ് – യുഡിഎഫിന് അട്ടിമറി ജയം. കോൺഗ്രസിലെ പുതിയോട്ടിൽ അജയൻ 20 വോട്ടിന്റെ ഭൂരിപക്ഷത്തിൽ സിപിഎമ്മിലെ കെ.പി. വിവേകിനെ പരാജയപ്പെടുത്തി.

പന്ന്യന്നൂർ ഗ്രാമപ്പഞ്ചായത്ത് താഴെ ചമ്പാട് വാർഡ് – എൽഡിഎഫ് വിജയിച്ചു. സിപിഎമ്മിലെ ശരണ്യ സുരേന്ദ്രൻ 499 വോട്ടുകൾക്ക് വിജയിച്ചു.

മടിക്കൈ ഗ്രാമപ്പഞ്ചായത്ത് കോളിക്കുന്ന് – എൽഡിഎഫ് എതിരില്ലാതെ തിരഞ്ഞെടുക്കപ്പെട്ടു.

കോടോം ബേളൂർ ഗ്രാമപ്പഞ്ചായത്ത് അയറോട്ട് വാർഡ് – എൽഡിഎഫിലെ സൂര്യ ഗോപാലൻ 100 വോട്ടുകൾക്ക് വിജയിച്ചു.

കയ്യൂർ-ചീമേനി ഗ്രാമപ്പഞ്ചായത്ത് പള്ളിപ്പാറ – എൽഡിഎഫ് എതിരില്ലാതെ തിരഞ്ഞെടുക്കപ്പെട്ടു.

ഉപതിരഞ്ഞെടുപ്പിലെ ഈ വിജയം എൽഡിഎഫ് ക്യാമ്പുകളിൽ ആവേശം പകർന്നിട്ടുണ്ട്. സർക്കാരിനും മുന്നണിക്കും എതിരായ പ്രചാരണങ്ങളെ വോട്ടർമാർ തള്ളിക്കളഞ്ഞുവെന്നതാണ് ഫലങ്ങൾ വ്യക്തമാക്കുന്നത് എന്ന് എൽഡിഎഫ് നേതാക്കൾ പ്രതികരിച്ചു.