ആഴക്കടൽ മണൽ ഖനനത്തിനെതിരെ ആർ.എസ്.പി തീരദേശജാഥ; പ്രതിപക്ഷ നേതാവ് വി.ഡി. സതീശൻ ഇന്ന് ഉദ്ഘാടനം ചെയ്യും

കൊല്ലം : ആഴക്കടൽ മണൽ ഖനന നടപടികളിൽ നിന്ന് സർക്കാർ പിന്തിരിയണമെന്ന് ആവശ്യപ്പെട്ട് ആർ.എസ്.പി എൻ.കെ. പ്രേമചന്ദ്രൻ എം.പിയുടെ നേതൃത്വത്തിൽ തീരദേശജാഥ ആരംഭിക്കുന്നു. വിജിഞ്ഞത്ത് ഇന്ന് വൈകിട്ട് അഞ്ച് മണിക്ക് (ഫെബ്രുവരി 26) പ്രതിപക്ഷ നേതാവ് വി.ഡി. സതീശൻ ജാഥ ഉദ്ഘാടനം ചെയ്യും.

തിരുവനന്തപുരം, കൊല്ലം, ആലപ്പുഴ ജില്ലകളിൽ പര്യടനം നടത്തുന്ന ജാഥ മാർച്ച് 2ന് ശക്തികുളങ്ങരയിൽ സമാപിക്കും. സമാപന സമ്മേളനം ആർ.എസ്.പി സംസ്ഥാന സെക്രട്ടറി ഷിബു ബേബിജോൺ ഉദ്ഘാടനം ചെയ്യും.

ജാഥയോട് അനുബന്ധിച്ച് വിവിധ കേന്ദ്രങ്ങളിൽ നടക്കുന്ന സ്വീകരണ യോഗങ്ങളിൽ മുതിർന്ന കോൺഗ്രസ് നേതാക്കളായ രമേശ് ചെന്നിത്തല, കെ. മുരളീധരൻ, ആർ.എസ്.പി നേതാവ് എ.എ. അസീസ്, ബാബു ദിവാകരൻ, എം.പിമാരായ അടൂർ പ്രകാശ്, ഹൈബി ഈഡൻ എന്നിവർ പങ്കെടുക്കും.

ജാഥാംഗങ്ങൾ: കെ. സിസിലി, അനിൽ.ബി കളത്തിൽ, അഡ്വ. ജസ്റ്റിൻ ജോൺ, പുലത്തറ നൗഷാദ്

ജാഥാ മാനേജർമാർ: കെ.എസ്. സനൽകുമാർ, അഡ്വ. വിഷ്‌ണു മോഹൻ

ഫെബ്രുവരി 26-28: തിരുവനന്തപുരം ജില്ല

മാർച്ച് 1-2: കൊല്ലം, ആലപ്പുഴ ജില്ലകൾ

മാർച്ച് 2: ശക്തികുളങ്ങരയിൽ സമാപന സമ്മേളനം

ആഴക്കടൽ മണൽ ഖനനത്തിനെതിരെ ശക്തമായ പ്രതിഷേധം ഉയർത്തുന്ന ഈ ജാഥ സംസ്ഥാനത്തെ തീരദേശ ജനതയുടെ പിന്തുണ നേടി മുന്നോട്ട് പോകുമെന്നാണ് ആർ.എസ്.പി നേതാക്കളുടെ പ്രതീക്ഷ.