ശബരിമല തീര്‍ഥാടകർ സഞ്ചരിച്ച ടെമ്പോ ട്രാവലറും സ്വകാര്യ ബസ്സും കൂട്ടിയിടിച്ച് അപകടം; മൂന്ന് പേര്‍ക്ക് ദാരുണാന്ത്യം, അഞ്ച് പേരുടെ നില ഗുരുതരം

ടെമ്പോ ട്രാവലറിലായിരുന്നു തീര്‍ത്ഥാടകര്‍ സഞ്ചരിച്ചത്. ഈ വാഹനത്തിലേക്ക് സ്വകാര്യ ബസ് വന്ന് ഇടിക്കുകയായിരുന്നു. സ്വകാര്യ ബസില്‍ ഇടിച്ച് അപകടം. പത്ത് വയസ്സുകാരന്‍ ഉള്‍പ്പെടെ മൂന്ന് പേര്‍ മരിച്ചു. അപകടത്തില്‍ ട്രാവലറിന്റെ മുന്‍ഭാഗം പൂര്‍ണമായും തകര്‍ന്ന നിലയിലാണ്. ഡ്രൈവര്‍ ഉള്‍പ്പെടെയുള്ളവരാണ് മരിച്ചത്. ഡ്രൈവര്‍ക്കൊപ്പം ടെമ്പോയുടെ മുന്‍സീറ്റില്‍ ഇരുന്നവരാണ് മരിച്ച മറ്റ് രണ്ട് പേര്‍. അപകടത്തില്‍ പരിക്കേറ്റ അഞ്ച് പേരുടെ നില ഗുരുതരമാണെന്നാണ് റിപ്പോര്‍ട്ട്.