അതിർത്തി തർക്കത്തിനിടെ വയോധികനെ അയൽവാസി കുത്തിക്കൊന്നു; ആക്രമണം നാട്ടുകാർ നോക്കി നിൽക്കെ

തിരുവനന്തപുരം : നെയ്യാറ്റിൻകരയിൽ അതിർത്തി തർക്കത്തിനിടെ വയോധികനെ അയൽവാസി കുത്തിക്കൊന്നു. മാവിളക്കടവ് സ്വദേശി ശശി (65) ആണ് ആക്രമണത്തിൽ മരിച്ചത്. സംഭവത്തെ തുടർന്ന് ആക്രമണം നടത്തിയ അയൽവാസിയായ സുനിൽ ജോസിനെ പൊഴിയൂർ പൊലീസ് കസ്റ്റഡിയിലെടുത്തു.

ഇരുവരും തമ്മിലുള്ള അതിർത്തി തർക്കം പരിഹരിക്കാൻ വില്ലേജ് ഓഫീസിലെ ഉദ്യോഗസ്ഥർ ഇന്ന് സ്ഥലത്ത് അളവെടുപ്പ് നടത്താനെത്തിയിരുന്നു. അളവെടുപ്പിനിടെ വീണ്ടും രൂക്ഷമായ തർക്കമുണ്ടാവുകയും സുനിൽ ജോസ് ശശിയെ കുത്തുകയുമായിരുന്നു. നിരവധി പേർ നോക്കിനിൽക്കെയായിരുന്നു ആക്രമണം നടന്നത്. സംഭവത്തിൽ നെയ്യാറ്റിനകര പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.