വീട്ടിലേക്ക് മടങ്ങുംവഴി കാട്ടാന ആക്രമണം: 25-കാരനായ യുവാവിന് ദാരുണാന്ത്യം; ഒപ്പമുണ്ടായിരുന്ന അമ്മയ്ക്ക് പരിക്ക്; ഇന്ന് പ്രദേശത്ത് ഹർത്താൽ

പാലക്കാട് മുണ്ടൂരിൽ കാട്ടാനയുടെ ആക്രമണത്തിൽ യുവാവ് മരിച്ചു. കയറംക്കോട് സ്വദേശി അലൻ (25) ആണ് ആക്രമണത്തിൽ കൊല്ലപ്പെട്ടത്. ആക്രമണത്തിൽ അലന്റെ അമ്മക്കും ഗുരുതരമായി പരിക്കേറ്റു.

വൈകീട്ട് വീട്ടിലേക്ക് മടങ്ങുമ്പോഴായിരുന്നു ഇരുവരും കാട്ടാനയുടെ ആക്രമണത്തിന് ഇരയായത്. കണ്ണാടൻചോലയ്ക്ക് സമീപത്താണ് സംഭവം നടന്നത്. രാത്രി എട്ടുമണിയോടെയായിരുന്നു ആക്രമണം.

അലന്റെ മൃതദേഹം പാലക്കാട് ജില്ല ആശുപത്രിയിൽ സൂക്ഷിച്ചിരിക്കുകയാണ്. പരിക്കേറ്റ അമ്മയെ തൃശൂർ മെഡിക്കൽ കോളേജ് ആശുപത്രിയിലേക്ക് മാറ്റി.

സംഭവത്തെ തുടർന്ന് മുണ്ടൂരിൽ ഇന്ന് സിപിഎം ഹർത്താൽ പ്രഖ്യാപിച്ചു.