വാർസ : വിശ്വാസ വിഷയങ്ങളിലും സാമൂഹിക വിമർശനങ്ങളിലും നിറഞ്ഞ ഇടപെടലുകൾക്ക് പരിചിതനായ സനല്‍ ഇടമറുകിനെ അറസ്റ്റ് ചെയ്തതായി ഫിന്‍ലന്‍ഡ് വിദേശകാര്യ മന്ത്രാലയം സ്ഥിരീകരിച്ചു. മാര്‍ച്ച് 28ന്, ഒരു മനുഷ്യാവകാശ സമ്മേളനത്തില്‍ പങ്കെടുക്കാനായി പോളണ്ടിലെ വാര്‍സായിലെ മോഡ്‌ലിന്‍ വിമാനത്താവളത്തിലെത്തിയപ്പോഴാണ് അറസ്റ്റ് നടന്നത്.
2020ലെ വിസ തട്ടിപ്പ് കേസുമായി ബന്ധപ്പെട്ട ഇന്ത്യയുടെ നിര്‍ദേശപ്രകാരമാണ് ഇന്റര്‍പോള്‍ റെഡ്‌കോര്‍ണര്‍ നോട്ടീസ് പുറപ്പെടുവിച്ചിരുന്നത്. ആലപ്പുഴ സ്വദേശിനിയില്‍ നിന്ന് 15 ലക്ഷം രൂപ വാങ്ങിയിട്ടും വിസ നല്‍കിയില്ലെന്നാരോപണത്തില്‍ സനലിനെതിരായി ഇന്ത്യയിൽ കുറ്റപത്രം സമര്‍പ്പിച്ചിട്ടുണ്ട്. കൂടാതെ ഫിന്‍ലന്‍ഡിലെ കോടതിയിലും ഇതുമായി ബന്ധപ്പെട്ട കേസുകള്‍ നിലനില്ക്കുന്നു.
മതനിന്ദ ആരോപണങ്ങള്‍ ഉയര്‍ന്നതിനെത്തുടർന്ന് കത്തോലിക്ക സഭ സനലിനെതിരെ കേസ് നല്‍കിയിരുന്നു. തുടര്‍ന്ന് അദ്ദേഹം ഇന്ത്യ വിട്ട് 2012 മുതൽ ഫിന്‍ലന്‍ഡിൽ സ്ഥിരതാമസമാകുകയായിരുന്നു.
അറസ്റ്റിനെതിരെ സനല്‍ ഇടമറുക് സ്ഥാപിച്ച 'റാഷണലിസ്റ്റ് ഇന്റര്‍നാഷണല്‍' സംഘടന പ്രസ്താവന പുറപ്പെടുവിച്ചിട്ടുണ്ട്, അതിലൂടെ നടപടി പ്രതിഷേധം അറിയിച്ചു.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 تعليقات