പാരസെറ്റാമോൾ കഴിക്കുന്നവർ ഇത് ശ്രദ്ധിക്കുക!, അമിതമായി കഴിച്ചാൽ കരൾ അടിച്ച് പോകും: ഒരാൾക്ക് പരമാവധി കഴിക്കാവുന്നത് ഇത്രമാത്രം, ആരോഗ്യവിദഗ്ധര്‍ മുന്നറിയിപ്പ് നല്‍കുന്നു

തിരുവനന്തപുരം : സാധാരണ വേദനയ്ക്കും പനിക്കും ഉപയോഗിക്കുന്ന പാരസെറ്റമോള്‍ അമിതമായി കഴിക്കുമ്പോള്‍ ഗുരുതര ആരോഗ്യപ്രശ്നങ്ങള്‍ക്ക് വഴിവെക്കുമെന്നു ആരോഗ്യ വിദഗ്ധര്‍ മുന്നറിയിപ്പ് നൽകുന്ന്. പാരസെറ്റമോള്‍ ശരിയായി ഉപയോഗിക്കുമ്പോള്‍ സുരക്ഷിതമാണെങ്കിലും അതിനെ അതീവ ജാഗ്രതയോടെയാണ് ഉപയോഗിക്കേണ്ടത് എന്നും വിദഗ്ധര്‍ വ്യക്തമാക്കുന്നു. 1878-ല്‍ ആദ്യമായി നിര്‍മിച്ച പാരസെറ്റമോള്‍ വേദനാസംഹാരിയും ആന്റിസെപ്റ്റിക് മരുന്നുമാണ്. നേരിയതോ മിതമായതോ ആയ വേദനയും പനിയും കുറയ്ക്കുന്നതിനായും, തലവേദന, മൈഗ്രെയ്‌ന്‍, നടുവേദന, റുമാറ്റിക് വേദന, പേശിവേദന, ആര്‍ത്രൈറ്റിസ്, പല്ലുവേദന, ആര്‍ത്തവ വേദന, ജലദോഷം, പനി, തൊണ്ടവേദന, സൈനസ് വേദന, ശസ്ത്രക്രിയയ്ക്ക് ശേഷമുള്ള വേദനകള്‍ എന്നിവയ്ക്കുമായും വ്യാപകമായി ഇത് ഉപയോഗിക്കുന്നു.

മെടിക്കല്‍ മാര്‍ഗനിര്‍ദ്ദേശങ്ങള്‍ പ്രകാരം (ദിവസം) 4 ഗ്രാം ആണ് മുതിര്‍ന്നവര്‍ക്ക് അനുവദനീയമായ പരമാവധി ഡോസ്. ഓരോ ഡോസിനും ഇടയില്‍ കുറഞ്ഞത് 4 മണിക്കൂര്‍ ഇടവേള അനിവാര്യമാണ്. കുട്ടികള്‍ക്ക് പാരസെറ്റമോള്‍ നല്‍കുമ്പോള്‍ ശരിയായ അളവ് പാലിക്കണം. അതിനായി മരുന്നിനൊപ്പം ലഭിക്കുന്ന ഓറല്‍ സിറിഞ്ച് അല്ലെങ്കില്‍ അളക്കുന്ന സ്പൂണ്‍ ഉപയോഗിക്കണമെന്ന് ഡോക്ടര്‍മാര്‍ നിര്‍ദ്ദേശിക്കുന്നു.

പാരസെറ്റമോള്‍ അമിതമായി കഴിക്കുന്നത് ഗുരുതരമായ കരള്‍ രോഗങ്ങള്‍ക്ക് കാരണമാകാം. ആദ്യ 24 മണിക്കൂറില്‍ അതിന്റെ ലക്ഷണങ്ങള്‍ വ്യക്തമായി കാണപ്പെടുന്നില്ലെങ്കിലും, വിഴര്‍ച്ച, ഛര്‍ദ്ദി, ഓക്കാനം, വിയര്‍ക്കല്‍, വിശപ്പില്ലായ്മ, വയറുവേദന തുടങ്ങിയ ലക്ഷണങ്ങള്‍ കാണാം. അതിനാല്‍ തന്നെ, നിങ്ങളോ നിങ്ങളുടെ കുട്ടിയോ പാരസെറ്റമോള്‍ അമിതമായി കഴിച്ചെന്ന സംശയമുണ്ടെങ്കില്‍ ഉടന്‍ തന്നെ വൈദ്യസഹായം തേടണമെന്ന് വിദഗ്ധര്‍ മുന്നറിയിക്കുന്നു. കുഴപ്പമില്ല എന്ന ധാരണയില്‍ കഴിയുന്നത് അപകടകരമാണ്.

പാരസെറ്റമോള്‍ എല്ലാത്തിനുമുള്ള ആന്റി-ഇന്‍ഫ്ലമേറ്ററി (അണുബാധാ വിരുദ്ധ) മരുന്നല്ല. അതിന്റെ ഉപയോഗം ഒറ്റപ്പെട്ട ലക്ഷണങ്ങള്‍ നിയന്ത്രിക്കാനാണ്. അതുകൊണ്ടുതന്നെ ഡോക്ടറുടെ മാര്‍ഗ്ഗനിര്‍ദ്ദേശമില്ലാതെ ഉപയോഗിക്കുന്നത് ഒഴിവാക്കണം.

വേദനയോ പനിയോ നേരിടുമ്പോള്‍ പാരസെറ്റമോള്‍ പ്രയാസം കൂടാതെ ലഭ്യമാവുന്ന ഒരു പരിഹാരമാണെങ്കിലും, അതിന്റെ ഉപയോഗത്തില്‍ ജാഗ്രത പാലിക്കണം. സുരക്ഷിതമായ ഡോസ് പരിധി കൃത്യമായി പാലിക്കുകയും, കൂടുതലും ഡോക്ടർമാരുടെ നിർദ്ദേശം ഇല്ലാതെ കഴിക്കുന്നത് ഒഴിവാക്കുകയും ചെയ്താല്‍ ഗുരുതരമായ ആരോഗ്യപ്രശ്നങ്ങൾ ഒഴിവാക്കാനാകും.